LAB10 (已結業)

仲好記得果日係父親節，加上係一個星期六，一去到間野先知父親節不但食飯無折扣，仲要無埋廣告上面嘅餐，只可以用原價散叫😞😞（都仲係唔係好明係咩節日行銷方式🙈）果日係高峰tea time時間，而且亦唔係啲疫情最嚴重嘅時期，店入面嘅人疏疏落落。一坐低見到一塊已經燒到黑晒嘅網💁🏿‍♀️💁🏿‍♀️店員仲要take完order就即刻開火。見到個店員伏野咁快手，以為啲肉好快上😂點知都等左幾耐下😢果日燒親嘅肉都係燶嘅🤯剪晒燶左嘅部分，可以食嘅只係得一半/三分一🤧佢地堅持話我地啲肉放得太中間，個爐太勁，要放係邊邊燒🙈我地果日仲要叫好多豬，真係好怕怕🙈咁大塊點放係邊邊，個爐面積唔算好大，點樣貼住個邊都會痴都中間嘅重災區😥我地仲叫左個豆腐泡菜豬肉鍋👏🏽已經唔係好記得啲料係咩味，只係就得果湯超級咸，咸到苦😹係啲湯度加左成杯水都係咸，愈加愈多水，飲極都飲唔完，呢碗真係唯一一鍋飲唔完嘅泡菜湯🤭係同呢鍋野博鬥嘅時候，見到後面果台加左兩次菜😰😰飲完心跳我勁快，好怕會原地心臟病發😖😖😖我真係道行未夠，咁都食唔到落去😔