影片
更多
2017-12-22
90 浏览
平時都好少去鰂魚涌，去完太古城順便去試一試果度既野食，地鐵站出黎過天橋直落轉入一條小巷仔先見到呢間小店。呢間串燒店牆上面貼左好多童年回憶既漫畫，好似城市獵人喇，龍珠喇，完極都完唔到既柯南喇都有，真係好有日本居酒屋感覺。座位夠闊都坐得好舒服，台面上貼左串燒全部都係即叫即整，果然係熱辣辣送到。食串燒點可以唔飲酒架，呢度有買款清酒任飲都只係108蚊咋，真係狂飲狂食都得喇，仲有其他唔同既野飲都可以揀。最珍貴必叫既《呑拿魚額頂燒》($98)，即係大家叫既腦天，一條吞拿魚只有兩片幾珍貴，燒過後口感軟滑油脂超多好香口。另一樣就係《鹽麴帶子》($48)，一碟有四塊帶子都夠新鮮，加上左鹽，帶有少少咸味同米香，上面仲有魚籽增加左咸香味。點可以錯過《玉子燒》($38)，玉子係燒到全熟，外面塗上左一層燒汁，食落蛋香加上燒汁既香味配埋幾好味。串燒有《紫蘇葉雞皮蝦卷》($38)，蝦外面既外層包上左紫蘇香，再加上雞皮燒到卜卜脆，入面既蝦肉岩熟唔過鞋。另一個《秋葵牛肉卷》($30)，金菇牛肉卷就食得多，秋葵夾住牛肉食又幾清新爽口，牛肉燒到好香而且已經整到好淋。串燒點可以唔牛吞，《薄切牛舌》($28)燒到兩面香口，牛舌
平時都好少去鰂魚涌，去完太古城順便去試一試果度既野食，地鐵站出黎過天橋直落轉入一條小巷仔先見到呢間小店。
呢間串燒店牆上面貼左好多童年回憶既漫畫，好似城市獵人喇，龍珠喇，完極都完唔到既柯南喇都有，真係好有日本居酒屋感覺。
座位夠闊都坐得好舒服，台面上貼左串燒全部都係即叫即整，果然係熱辣辣送到。
食串燒點可以唔飲酒架，呢度有買款清酒任飲都只係108蚊咋，真係狂飲狂食都得喇，仲有其他唔同既野飲都可以揀。
最珍貴必叫既《呑拿魚額頂燒》($98)，即係大家叫既腦天，一條吞拿魚只有兩片幾珍貴，燒過後口感軟滑油脂超多好香口。
另一樣就係《鹽麴帶子》($48)，一碟有四塊帶子都夠新鮮，加上左鹽，帶有少少咸味同米香，上面仲有魚籽增加左咸香味。
點可以錯過《玉子燒》($38)，玉子係燒到全熟，外面塗上左一層燒汁，食落蛋香加上燒汁既香味配埋幾好味。
串燒有《紫蘇葉雞皮蝦卷》($38)，蝦外面既外層包上左紫蘇香，再加上雞皮燒到卜卜脆，入面既蝦肉岩熟唔過鞋。
另一個《秋葵牛肉卷》($30)，金菇牛肉卷就食得多，秋葵夾住牛肉食又幾清新爽口，牛肉燒到好香而且已經整到好淋。
串燒點可以唔牛吞，《薄切牛舌》($28)燒到兩面香口，牛舌唔會太難咬，如果薄身滿足唔到你，仲有厚身既可以揀。
仲有《銀雪魚》($58)，見到成個都勁厚身，燒汁夠惹味，魚肉燒完都仲好滑身，層皮燒到勁脆咬落勁香。
最後叫多串《雞軟骨》($20)同《日本黑豚肉》($28)，燒完之後灑上左調味粉，熱辣辣又夠香。
店名：酒肉·朋友
地址：鰂魚涌芬尼街11號得發大廈地下A舖
餐牌:
张贴
