影片
更多
2018-10-10
1408 浏览
土耳其菜係香港真係唔係度度有得食，呢間樓上店有埋可愛貓貓陪你食飯，不過手續上要記得先網上登記然後再入座。跟番上面既QR Code 就可以上網址登記訂位，入面有好多唔同既特別既標語字句，好多都好有意思，另外仲會有一啲牌可以拎住影下相。只要你入去幫襯，就會送一張土耳其明信片做紀念，呢樣野真係好有心思，另外都有好多唔同既土耳其特式既裝飾，仲有唔少好有童真既小朋友畫。店主養左幾隻貓貓，隻隻都勁得意，不過如果想同佢地玩就記得要預早出定聲先，一放出黎真係萬人迷咁個個都圍住影相。先叫杯最有特色既咖啡，有凍有熱都係可以望住即席係沙上面煮，《凍土耳其咖啡》凍既係廚師自己調教，先煮好再倒落奶度，會更滑溜同甜少少。《熱土耳其咖啡》熱既就要煮耐啲因為要更多既過程，要先倒一轉落杯，再係沙度加熱到起泡兩次先飲得，煮法有睇頭咖啡又香濃。前盤有一個《特色沙律》，除左有新鮮既沙律菜，仲有一粒粒既麥係面增加口感，另外沙律好特別咁會有咸咸地既味道。主菜係《秘製招牌烤雞配飯》，呢個係招牌菜，二人份量叫左半隻雞，雞皮烤得好脆身，雞肉仲好滑身同多汁，可以點旁邊既乳酪食，雞油滲哂落下面既飯瞬間清哂。甜品叫左《開心果酥配土耳其雪糕》
土耳其菜係香港真係唔係度度有得食，呢間樓上店有埋可愛貓貓陪你食飯，不過手續上要記得先網上登記然後再入座。
跟番上面既QR Code 就可以上網址登記訂位，入面有好多唔同既特別既標語字句，好多都好有意思，另外仲會有一啲牌可以拎住影下相。
只要你入去幫襯，就會送一張土耳其明信片做紀念，呢樣野真係好有心思，另外都有好多唔同既土耳其特式既裝飾，仲有唔少好有童真既小朋友畫。
店主養左幾隻貓貓，隻隻都勁得意，不過如果想同佢地玩就記得要預早出定聲先，一放出黎真係萬人迷咁個個都圍住影相。
先叫杯最有特色既咖啡，有凍有熱都係可以望住即席係沙上面煮，《凍土耳其咖啡》凍既係廚師自己調教，先煮好再倒落奶度，會更滑溜同甜少少。
《熱土耳其咖啡》熱既就要煮耐啲因為要更多既過程，要先倒一轉落杯，再係沙度加熱到起泡兩次先飲得，煮法有睇頭咖啡又香濃。
前盤有一個《特色沙律》，除左有新鮮既沙律菜，仲有一粒粒既麥係面增加口感，另外沙律好特別咁會有咸咸地既味道。
主菜係《秘製招牌烤雞配飯》，呢個係招牌菜，二人份量叫左半隻雞，雞皮烤得好脆身，雞肉仲好滑身同多汁，可以點旁邊既乳酪食，雞油滲哂落下面既飯瞬間清哂。
甜品叫左《開心果酥配土耳其雪糕》，好特別有開心果酥，食落煙韌唔油膩，土耳其雪糕係玫瑰味，雪糕都做到有拉絲既效果，仲好精緻咁用朱古力畫埋畫。
店名：我愛伊斯坦堡
地址：旺角通菜街11號1樓A室
餐牌:
张贴
