XTC Gelato (已結業)

香港雪糕香港做，本地品牌當然一定要支持，本土品牌成日都會新出唔同口味既人手製雪糕，呢期有洛神花又有沖繩黑糖菠蘿。紅色標誌好醒目，一見就見到，正所謂近水樓台，係尖沙咀番工真係成日行過都會去食，入面仲有句標語記得成日都要食Gelato。成日都會推出新口味，今季有十幾款新野可以慢慢試，有之前見到既辣朱古力，仲有好多唔同既果味同茶味。我就試左《印度香料奶茶》同《班蘭》($50)，奶茶味真係好濃，同印度餐廳飲既味好相似，有成十幾隻味真係慢慢試。