影片
更多
2017-09-27
88 浏览
行過九龍灣德福廣場平台，見到有幾間新食肆。其中一家叫泰廚房子 Khap & Ka ，睇個名就知係泰菜為主，聽說係泰國廚師主理，趁又未有假期去泰國旅行，今晚一於同爸爸試下，過下口癮。平時以為泰菜係九龍城專利，依家周圍都食到啦！個logo好得意，好似卡通咁。泰式魚餅揀小食都揀左好耐，因為小食款式至多，沙律又好清新，啱晒夏天，又好難取捨。最後係蝦餅同月餅中間，揀咗魚餅。爸爸好鍾意的魚餅，淋身但煎得香口。點左泰式辣醬，酸酸甜甜。冬蔭功湯 (小)難得爸爸話好耐無飲過冬蔭功，今次就試下。好多人講過，要試一間泰國菜係咪真係好食，飲冬蔭功就無死。得兩個人點一個小的份量就夠，兩個人每人可以飲到兩、三碗。冬蔭功自酸辣到恰到好處，酸的感覺刺激味蕾，相信冬天飲一定好暖胃。冬蔭功入面又點可以少得大蝦，以表孝心，古時有「孔融讓梨」，我就讓蝦，加上自已皮膚唔好，所以將大蝦讓比爸爸食先。泰式燒雞燒雞都幾嫩滑，肉都係剛剛熟，唔會鞋身，不過無乜炭香同唔夠熱。配上泰式酸汁，開胃非常。泰式馬拉盞炒雜菜一餐飯點可以唔食番d纖維？所以叫番碟炒雜菜就最啱。有椰菜，粟米芯，草菇，無咁DRY！馬拉盞又可以令本來無咩味的雜菜更加惹味，又
行過九龍灣德福廣場平台，見到有幾間新食肆。其中一家叫泰廚房子 Khap & Ka ，睇個名就知係泰菜為主，聽說係泰國廚師主理，趁又未有假期去泰國旅行，今晚一於同爸爸試下，過下口癮。
平時以為泰菜係九龍城專利，依家周圍都食到啦！個logo好得意，好似卡通咁。
泰式魚餅揀小食都揀左好耐，因為小食款式至多，沙律又好清新，啱晒夏天，又好難取捨。最後係蝦餅同月餅中間，揀咗魚餅。
爸爸好鍾意的魚餅，淋身但煎得香口。點左泰式辣醬，酸酸甜甜。
冬蔭功湯 (小)難得爸爸話好耐無飲過冬蔭功，今次就試下。好多人講過，要試一間泰國菜係咪真係好食，飲冬蔭功就無死。得兩個人點一個小的份量就夠，兩個人每人可以飲到兩、三碗。冬蔭功自酸辣到恰到好處，酸的感覺刺激味蕾，相信冬天飲一定好暖胃。冬蔭功入面又點可以少得大蝦，以表孝心，古時有「孔融讓梨」，我就讓蝦，加上自已皮膚唔好，所以將大蝦讓比爸爸食先。
泰式燒雞燒雞都幾嫩滑，肉都係剛剛熟，唔會鞋身，不過無乜炭香同唔夠熱。配上泰式酸汁，開胃非常。
泰式馬拉盞炒雜菜一餐飯點可以唔食番d纖維？所以叫番碟炒雜菜就最啱。有椰菜，粟米芯，草菇，無咁DRY！馬拉盞又可以令本來無咩味的雜菜更加惹味，又唔會太辣。
紅咖哩羊架紅咖哩以甜味為主，羊架有三件。不過覺得煎得過老，肥肉同筋都比較多，難怪爸爸都話食泰國嘢都係要揀番其他肉類。
不過我幾鍾意個咖哩底，甜甜地唔辣，個汁幾杰身，又夠味。可以加錢揀白飯，黃薑飯，或蒜蓉飽，包你食到汁都無哂。總括來講，這小店質素都中上。食物幾多選擇，我會推介紅咖哩同小食，又一個飲飽食醉的晚上，令我更想去泰國感受一下正宗的風味！
张贴
