渝味曉宇重慶老火鍋 (渣甸中心) (已結業)

其實之前都有食過渝味🍲對佢印象好好，最鍾意佢係可以半份半份咁落order，咩都可以試吓，所以今次又來翻兜喇🤓最中意佢地有提供一次性圍裙，唔怕整污糟件衫，好細心💛同以往一樣，今次都一個辣一個唔辣嘅湯底🤤呢個嫩牛肉係我每次嚟都會叫嘅，夠晒鮮嫩，Keep到水準👍🏻牛肉片都好好食，牛味夠重🤙🏻食麻辣燙又點可以無鴨血🤤呢度嘅淮山亦都係我最愛之一，紫色嗰款粉感會重少少，食落好似淮山Mix芋頭嘅感覺，好特別🤤龍躉片又係唔可以錯過嘅火鍋配料，夠晒新鮮生猛，入口好鮮滑🐟食咗咁多肉，係時候要食返啲菜啦緊係🥬呢度嘅午餐肉都好好食，可能係因為自己鍾意食啲有肉絲嘅午餐肉啦，不過如果佢係炸好咗嘅午餐肉就會更加好食啦！香港大大話話都有唔少火鍋店，但係有油炸鬼食嘅就真係唔多，打邊爐一定要食油炸鬼啊！