上海婆婆 (已結業)

好耐好耐以前有一個婆婆，叫上海婆婆，自從佢係市中心消失後就冇再見過佢啦！後來佢係Vcity再一次出現了。有所改變的係店舖內的裝潢，新潮了。不變的係依然好多人 。等了大約十幾分鐘（兩個人快d）之後就入座了，叫了幾個平時食開的小菜：黑醋排骨，黃金四季豆，醬燒茄子，少不了上海鋪必食嘅小籠包，甜品就食豆沙鍋餅。食小籠包最緊要係咩？係要夠熱，婆婆就做到呢點，而且皮薄肉鮮，有人喜歡點鎮江醋食，而我就鐘意就咁食，因為吾會蓋過肉汁的鮮味。最好食嘅係黃金四季豆，碟菜一放低，咸旦皇的香味四溢，而每條四季豆都佈滿了咸旦皇，簡直係大滿足。而其他的菜都保持到水準。最後食埋豆沙鍋餅做甜品就劃上句號，飽飽了。雖然埋單時發現食物的價錢貴了，但係係百物騰貴的情況下，加幅係在可以接受。