KAKU (已結業)

KAKU呢個名喺日文有「隱蔽」既意思，店如其名隱身喺土瓜灣新樓啟岸嘅小商場裡面，充滿神秘感。餐廳以綠色為主調，加上特高樓底，營造安靜、悠閒嘅感覺，令客人慢慢享用由前五星級酒店米芝蓮法國餐廳大廚以日本當造食材創作既菜式。由配搭餐包嘅紫菜牛油、到前菜嘅油甘魚刺身同主菜嘅和牛三文治，每一道菜都有深刻既記憶點，絕對值回票價。♙ dinner set for 2 $888𖦹 daily soup & bread 南瓜湯香味撲鼻，但唔會杰到漿口；軟綿綿嘅甜麵包配上自家製紫菜牛油，有如食緊愉快動物餅紫菜味（笑）。𖦹 香茅柑橘檸檬油甘魚刺身將魚片砌成一朵玫瑰花，賞心悅目，靚到唔捨得食。極厚切嘅油甘魚嫩滑無筋，魚油豐富；加上面頭酸酸甜甜嘅柑橘檸檬汁爆珠、以及底部爽口嘅海草，更顯魚既鮮味，配搭令人記憶猶新，猶如一件藝術品般既傑作。𖦹 澳洲和牛他他伴四川花椒油配生鵪鶉蛋和牛他他表面舖滿墨魚籽，撈埋鵪鶉蛋放喺法包上同吃，最後仲會品嚐到譚仔味嘅麻辣餘韻，因為落左四川花椒油！𖦹 宮崎A5和牛三文治 + $198和牛煎到類似吉列嘅效果，顏色粉嫩，牛味極為濃郁且帶油香，加上黑松露同埋甜甜嘅醬汁，簡直係頂級嘅味覺享受。