DOJE (已結業)

位於K11 Musea food court 入面既DOJE，多款腐皮壽司任君選擇，每款腐皮壽司都超足料，鍾意食腐皮壽司嘅朋友一定唔可以錯過。《特製玉子腐皮壽司》（$22）好欣賞佢上面用sauce整左個太陽蛋既圖案，可愛又精緻🤩 不過食落似蛋沙律，唔係我expect既玉子🤣腐皮甜甜地，薄薄一層包住壽司飯，飯粒入面仲有夾住好多芝麻粒，食落更加香口。《芝士辣炒雞腐皮壽司》（$32）少許辣令整體更惹味，雞肉粒好足料，芝士反而唔太食到。《雪花牛扒腐皮壽司》（$38）牛扒粒好味👍🏻又係好足料，啖啖肉😋《明太子沙律腐皮壽司》（$35）唔知點解成個明太子沙律都有少少魚子既腥味，如果驚腥味既朋友最好唔好揀依個，而且明太子味偏淡。