影片
更多
2020-05-05
327 浏览
早排比呢間DAMA奶素雪糕嘅相吸引左黎呢度食，就點左呢款雙味嘅雪糕，無落奶架，八成都係紅火龍果肉，奶素者啱曬。火龍果x竹炭味雪糕（$48）個雪糕筒可以揀紅色或者黑色，襯番當然紅色靚。味道方面，火龍果嘅火龍果味又幾自然，反而竹炭味味道居然有啲似芝麻糊，甜度較高。鹽烤百葉豆腐（$38）呢個用烤嘅方法整，需要10分鐘，製成品唔油膩，上面淡淡嘅鹽味，感覺似走左臭味嘅臭豆腐。日式芥末豆腐卷（$58）入面有豆腐、豆、牛油果等等健康食物，又夠protein。本身暖暖地咁上，調味只係淡淡嘅胡椒粉加鹽。而且份量比想像中大，食完都飽左一半。越式檬粉素菜卷（$58）好鍾意個卷唔淨只得蔬菜，仲有越式檬粉，口感好豐富。外面層皮都好香，調味料有啲辣辣地，就算vegan都唔會覺得寡。士多啤梨希臘乳酪杯（$38）同連鎖咖啡店嘅一樣，都係上面有啲穀物，用隔層隔開。乳酪唔算結身，配合適量嘅士多啤梨醬都幾正。蜜桃熱情果茶（$38）純白膠袋裝既果茶好有文青feel，蜜桃味聞落都幾香，然後隱約有少少薄荷味，幾解渴。
火龍果x竹炭味雪糕（$48）
個雪糕筒可以揀紅色或者黑色，襯番當然紅色靚。味道方面，火龍果嘅火龍果味又幾自然，反而竹炭味味道居然有啲似芝麻糊，甜度較高。
鹽烤百葉豆腐（$38）
呢個用烤嘅方法整，需要10分鐘，製成品唔油膩，上面淡淡嘅鹽味，感覺似走左臭味嘅臭豆腐。
日式芥末豆腐卷（$58）
入面有豆腐、豆、牛油果等等健康食物，又夠protein。
本身暖暖地咁上，調味只係淡淡嘅胡椒粉加鹽。
而且份量比想像中大，食完都飽左一半。
越式檬粉素菜卷（$58）
好鍾意個卷唔淨只得蔬菜，仲有越式檬粉，口感好豐富。
外面層皮都好香，調味料有啲辣辣地，就算vegan都唔會覺得寡。
士多啤梨希臘乳酪杯（$38）
同連鎖咖啡店嘅一樣，都係上面有啲穀物，用隔層隔開。
乳酪唔算結身，配合適量嘅士多啤梨醬都幾正。
蜜桃熱情果茶（$38）
純白膠袋裝既果茶好有文青feel，蜜桃味聞落都幾香，然後隱約有少少薄荷味，幾解渴。
张贴
