影片
更多
2022-08-07
326 浏览
平時去大型商場，今日想試吓其他小店，男朋友想食日式燒肉，見到食評d 相片OK 就即日book 7:00 兩位，距離Yoho 3至5分鐘步程，上一層。地方好大，有個巨型螢幕播緊Yotube (廣東歌手MV)，心裏一沉。店員耐心咁解釋餐牌同優惠，套餐大約$500+，不過我哋都係鍾意單點，揀自己想食嘅嘢。特別在，Like IG 就享有全單有八八折。左邊柚子五花腩，幾好食而右邊嘅雞髀肉，雞全翼、羊T骨、牛小排都係冇醃製，而我哋亦有嗌牛油金菇，用錫紙兜另上。爐頭唔係用明火，而係發熱電管，即係家用Bruno 個兩條熱管，所以熱力唔太夠，只可以慢慢溫熱令佢變熟。加上場地連續播放本地音樂，令我有啲感覺置身似K房……. er…. $500+ 去K房食燒肉？推廣活動，Like 社交平台 送大蝦。好鬼大隻！不過雪到好硬，冇經解凍，正常解凍程序係，從冰櫃，放入次一格既雪櫃，再到室溫。而家係冰櫃直出室溫…. 於是我放上錫紙兜解凍，為免唔熟，食完牛酒蒜蓉金菇，就放兩隻蝦入去焗熟。😅上網睇照片，以為好靚好正式，事實就….. 感覺被騙。$500+ 可以去牛角呢d 連鎖餐廳食更高質肉類。但全部職員好有禮貌、好Helpf
平時去大型商場，今日想試吓其他小店，男朋友想食日式燒肉，見到食評d 相片OK 就即日book 7:00 兩位，距離Yoho 3至5分鐘步程，上一層。
地方好大，有個巨型螢幕播緊Yotube (廣東歌手MV)，心裏一沉。店員耐心咁解釋餐牌同優惠，套餐大約$500+，不過我哋都係鍾意單點，揀自己想食嘅嘢。
特別在，Like IG 就享有全單有八八折。左邊柚子五花腩，幾好食而右邊嘅雞髀肉，雞全翼、羊T骨、牛小排都係冇醃製，而我哋亦有嗌牛油金菇，用錫紙兜另上。
爐頭唔係用明火，而係發熱電管，即係家用Bruno 個兩條熱管，所以熱力唔太夠，只可以慢慢溫熱令佢變熟。加上場地連續播放本地音樂，令我有啲感覺置身似K房……. er…. $500+ 去K房食燒肉？
推廣活動，Like 社交平台 送大蝦。好鬼大隻！不過雪到好硬，冇經解凍，正常解凍程序係，從冰櫃，放入次一格既雪櫃，再到室溫。而家係冰櫃直出室溫…. 於是我放上錫紙兜解凍，為免唔熟，食完牛酒蒜蓉金菇，就放兩隻蝦入去焗熟。😅
上網睇照片，以為好靚好正式，事實就….. 感覺被騙。$500+ 可以去牛角呢d 連鎖餐廳食更高質肉類。
但全部職員好有禮貌、好Helpful 既！
张贴
