影片
更多
2018-06-06
1543 浏览
串燒不嬲都係食肉獸既最愛。雖然小妹鍾意食菜多啲，但係為左應酬同行既朋友，專登揀左呢間口碑唔錯既串燒店黎試下。地理位置都係幾方便，雖然個喺地鐵都要行一陣﹐不過出地鐵站行一陣就到。微辣肉碎茄子賣相好吸引！䓤同蒜既味道同肉碎茄子同好夾，加埋少少辣幾惹味。茄子燒得好好，多汁得黎又唔會太硬。推薦！雞脾菇 冬菇串 雞肉串（兩串） 燒蒜蓉蟶子皇 菇都算多汁唔似好多都燒得好乾，幾滿意，想平衡唔想淨食肉一定要試試。雞肉燒得好好，味道出色，價錢亦都算比較平，唔錯。而鍾意海鮮既朋友一定要試下佢既蟶子皇，大大隻啖啖肉都只係$8.8。當然只係優惠期先咁平，要試就快喇。鹽燒駝鳥肉 安格斯牛柳粒駝鳥非常香，又一啲都唔柴，少食既朋友唔洗怕可以試一試。牛柳粒都算大塊，牛肉既香味都幾充足，同佢既調味好夾！西京比目魚未打開錫紙已經聞到少少香味，而且又比想像中大份。魚既鮮味同咸味好夾！除邊位骨都唔算多，怕食魚既朋友仔都可以試下。燒雞軟骨串（兩串） 西班黑毛豬件雞軟骨串好有咬口，平時都鍾意食既朋友應該唔會失望。而豬肉非常juicy，而且肉味香濃！冬陰功海鮮焗飯冬陰功味都幾足，不過真係有少少辣，小妹都頂唔住，唔食辣既朋友仔就要評
串燒不嬲都係食肉獸既最愛。雖然小妹鍾意食菜多啲，但係為左應酬同行既朋友，專登揀左呢間口碑唔錯既串燒店黎試下。地理位置都係幾方便，雖然個喺地鐵都要行一陣﹐不過出地鐵站行一陣就到。
微辣肉碎茄子
賣相好吸引！䓤同蒜既味道同肉碎茄子同好夾，加埋少少辣幾惹味。茄子燒得好好，多汁得黎又唔會太硬。推薦！
雞脾菇 冬菇串 雞肉串（兩串） 燒蒜蓉蟶子皇
菇都算多汁唔似好多都燒得好乾，幾滿意，想平衡唔想淨食肉一定要試試。雞肉燒得好好，味道出色，價錢亦都算比較平，唔錯。而鍾意海鮮既朋友一定要試下佢既蟶子皇，大大隻啖啖肉都只係$8.8。當然只係優惠期先咁平，要試就快喇。
鹽燒駝鳥肉 安格斯牛柳粒
駝鳥非常香，又一啲都唔柴，少食既朋友唔洗怕可以試一試。牛柳粒都算大塊，牛肉既香味都幾充足，同佢既調味好夾！
西京比目魚
未打開錫紙已經聞到少少香味，而且又比想像中大份。魚既鮮味同咸味好夾！除邊位骨都唔算多，怕食魚既朋友仔都可以試下。
燒雞軟骨串（兩串） 西班黑毛豬件
雞軟骨串好有咬口，平時都鍾意食既朋友應該唔會失望。而豬肉非常juicy，而且肉味香濃！
冬陰功海鮮焗飯
冬陰功味都幾足，不過真係有少少辣，小妹都頂唔住，唔食辣既朋友仔就要評估下自己得唔得喇。海鮮都幾足料。串燒再加埋一個飯一定可以食飽你！
整體黎講調味唔錯，火喉都控制都幾好，非常juicy又香口。食肉獸有機會絕對要黎試一試。
张贴
