影片
更多
2019-05-22
408 浏览
好多女仔都中意粉紅色、紫色尼D比較夢幻同少女嘅顏色，我都唔例外呢！前排網上睇到有人介紹J’s Bar出左個新tea set，岩岩好就係用粉紅色做主題，仲要有靚靚南瓜車同玻璃鞋做擺設，搞到好想即刻就拉個friend去打卡！個tea set除左「打卡able」之外，野食都唔錯！不過就嫌鹹點款式比例上少左D，得4款。我最鍾意嘅係尼個西伯利亞鱘魚子醬配碎蛋及多士，多士夠薄又香脆，搽D鱘魚子醬同碎蛋落塊多士到，碎蛋絕唔會搶左鱘魚子醬嘅味，因為D鱘魚子醬非常香濃，入口即刻充滿鹹香，食過番尋味呀！第二款鹹食有蝦肉沙律曲奇，味道都係相當唔錯。蝦肉好爽口同清新，上面嘅魚子大大粒，一咬D汁就咇哂出黎，好得意嘅口感。曲奇都係鹹味，所以同蝦肉沙律好夾，不過就厚身左D，感覺有少少搶左蝦肉沙律。迷你烤豬肉牛角酥正正常常，份量都好夠，唔似外面有D包多個餡。最後一款鹹食係紅菜頭酥皮盒。不嬲都麻麻地紅菜頭嘅味道，覺得怪怪地，不過又估唔到尼個紅菜頭酥皮盒一D都冇「怪味」，酥皮盒又夠酥脆，就算唔中意紅菜頭都值得一試！講完4款鹹嘅就到甜喇，以上兩款係粉紅石榴忌廉卷同紅粉荔枝果凍，真係夠哂粉呀！睇見顏色都鍾意。粉紅石榴忌廉卷酸
前排網上睇到有人介紹J’s Bar出左個新tea set，岩岩好就係用粉紅色做主題，
仲要有靚靚南瓜車同玻璃鞋做擺設，搞到好想即刻就拉個friend去打卡！
個tea set除左「打卡able」之外，野食都唔錯！不過就嫌鹹點款式比例上少左D，得4款。我最鍾意嘅係尼個西伯利亞鱘魚子醬配碎蛋及多士，多士夠薄又香脆，搽D鱘魚子醬同碎蛋落塊多士到，碎蛋絕唔會搶左鱘魚子醬嘅味，因為D鱘魚子醬非常香濃，入口即刻充滿鹹香，食過番尋味呀！
第二款鹹食有蝦肉沙律曲奇，味道都係相當唔錯。蝦肉好爽口同清新，上面嘅魚子大大粒，一咬D汁就咇哂出黎，好得意嘅口感。曲奇都係鹹味，所以同蝦肉沙律好夾，不過就厚身左D，感覺有少少搶左蝦肉沙律。
迷你烤豬肉牛角酥正正常常，份量都好夠，唔似外面有D包多個餡。
最後一款鹹食係紅菜頭酥皮盒。不嬲都麻麻地紅菜頭嘅味道，覺得怪怪地，不過又估唔到尼個紅菜頭酥皮盒一D都冇「怪味」，酥皮盒又夠酥脆，就算唔中意紅菜頭都值得一試！
講完4款鹹嘅就到甜喇，以上兩款係粉紅石榴忌廉卷同紅粉荔枝果凍，真係夠哂粉呀！睇見顏色都鍾意。
粉紅石榴忌廉卷酸酸甜甜，唔好睇上面淨係得3粒仔石榴籽，但原來已經好酸喇！同埋忌廉卷一齊食，酸味甜味中和番，味道岩岩好。
紅粉荔枝果凍夠清甜，仲有原粒荔枝肉，味道唔會好甜，上面仲有朵食用花做裝飾，美美der~
今次黎試尼個tea set，最令我期待嘅就係尼個南瓜車同玻璃鞋喇，用黎打卞一流！個南瓜車入面擺左個粉紅色嘅咖啡味軟糕，咖啡味濃，下面擺左D乾冰，侍應會幫手倒水落D乾冰到，隨即煙霧瀰漫，好似仙境咁….玩味十足！
玫瑰香蕉蛋糕花盆成個都食得架！個花盆係朱古力黎，「花」就係玫瑰味嘅cream，配香蕉味蛋糕都幾夾，不過整體黎講就甜左D，冇咁甜就perfect喇~
玫瑰味馬卡龍
聽講帝苑酒店出名蝴蝶酥，為符合粉紅色尼個主題，佢地將芝麻蝴蝶酥點左D草莓醬，味道都幾好，唔會太甜，蝴蝶酥都係好鬆脆。
尼個下午茶叫「夢幻粉嫩下午茶」，$498一set兩位。大家快D同閨蜜、朋友黎打卡啦！
张贴
