九雲居 (已結業)

是日行完銅鑼灣入埋去跑馬地搵食😋😋行左入去好多跑馬地名物嘅奕蔭街💕今次去呢間九雲居本來係做精品火鍋，但午市竟然有東南亞菜食😋😋—————————𝑴𝒚 𝑯𝒐𝒏𝒆𝒔𝒕 𝑹𝒆𝒗𝒊𝒆𝒘 🍽 𝗧𝗮𝘀𝘁𝗲 :▐ 午市套餐 $128(主菜+小食+飲品)▐▐ 泰國船麵 (主菜)▐一上枱有震撼到，好多料👍牛丸3大粒，好多牛肉，肉冇用鬆肉粉，有牛味又大塊唔靭👍湯底好濃，香葉味好出，加左炸蒜令湯底更惹味👍▐ 青咖喱雞飯 (主菜)▐青咖喱同雞肉最常配搭～青咖喱比想像中辣，好開胃，剩撈飯都可以食到一碗👍雞肉用左雞髀肉好滑同好多👍配菜茄子仔同青豆好足料亦好入味👍▐ 香茅雞翼 (小食)▐雞翼大大隻，外皮微焦脆，好香香茅味，帶少少微辣，點泰式雞醬甜味更能帶出味道😋▐ 泰式魚餅(小食)▐炸魚餅塊塊唔同樣，唔似係攞貨，冇咁辣嘅紅咖哩好適合加入海鮮提鮮，拌入魚餅亦好適合👍魚餅口感彈牙，加入豆角食落更有質感👍▐ 越南滴漏咖啡+$18▐我未飲過越南咖啡，呢杯唔苦，比一般黑咖啡冇咁濃烈而且帶微微炭燒香味，易入口兼順滑。▐ 泰式奶茶+$18▐口味正宗帶甜，茶底香濃。🌐𝗔𝘁𝗺𝗼𝘀𝗽𝗵𝗲𝗿𝗲 : 裝修雅緻，地板、裝飾和籐椅充滿熱帶風情