一起果醬 (已結業)

朋友想喺尖沙咀附近食飯，推介左呢間餐廳，見佢以果醬做主題幾特別，又去食下先。炸薯角薯角炸得表面金黃色，咬落香脆可口，點埋果醬食一流！豬肋骨肋骨焗得啱啱好，點果醬食係有另一番風味嘅，伴菜都有炸薯角，同之前一樣咁好食，不過如果早知呢度菜有薯角伴碟，小食會叫其他。海鮮飯個飯濕度掌握得幾好，唔會太濕，味道調味都剛好，唔會太濃烈,海鮮好新鮮而且份量比想像中多。九宮格呢度菜有九種不同嘅jam, 厚切麵包有烘底，焗得啱啱好，食落脆脆地，再配合唔同口味嘅jam,真心好鍾意❤️飲品我叫咗果醬沙冰，有得揀jam口味,揀咗 berries，飲落去有濃厚嘅果香，而且口感好滑。餐廳用jam做主題非常有特色，估唔到果醬同咁多食物都可以配合得咁天衣無縫。最後食完埋單人均唔使$200，下次有gathering出去食都會考慮呢間。