錦丼 (iSQUARE國際廣場) (已結業)

星期六喺Isquare睇完戲都2點幾，於是就索性喺商場內搵地方醫肚。落幾層去到7樓兜下，原來行入少少有間裝潢好日式既餐廳，望下有位就入左去。我點左個《鰻魚鍋 （跟飯）$108》，湯汁係用sukiyaki 汁，即係日式牛肉鍋同一款湯汁，我最鍾意撈飯食～入面有鰻魚同蛋，鰻魚切好一片片，份量唔多但我都好飽嚕。湯中既菜可能浸得耐老左好多渣，不過係甜既。朋友就點左個湯烏冬，大約$82。+$10 飲品《劍魚腩刺身 $38》有雪花紋，所以應該解冰無耐，味道冰鮮，有點失望。《龍蝦沙律 $25》龍蝦撕好左拌埋沙律醬，幾惹味既～《芝士年糕 $30》炸得幾薄脆，入面既芝士同年糕分量平常，唔會太膩。埋單$300有找，喺isquare食個晏都差唔多，所以可接受既。