茶聊 (已結業)

約咗鍾意周圍打卡嘅友人聚一聚😁點可以令佢失望!!揀咗呢間就大家方便嘅cafe💛一上到去已經有個靚花花英倫電話亭🇬🇧恭候緊我哋埋去打卡😝😝醫完肚先再影!!因為食物飲品賣相都啱哂相機食先！！. ✨安格斯沙爹牛肉片漢堡用咗個別緻嘅鳥籠嚟擺設😍唔係唔影嘛😍澎湃嘅沙嗲汁牛肉片好惹味！加埋好有牛味嘅牛肉漢堡扒！再夾住雙重芝士, 蕃茄, 生菜🍔滋味無比呀👏🏻👏🏻另外伴碟配住清爽凱撒沙律同略嫌較硬身嘅幼薯條🤣🤣總括個漢堡係推薦嘅!! .✨宮崎黑蒜片蒜油胡椒炒鮮海蜆手工闊條麵有睇頭嘅海蜆大隻又吐沙吐得夠乾淨😊係就係食到蒜味但如果整體可以濃味番少少會更好食！好彩手工闊條麵口感紮實又彈牙挽回番啲分數😉😉. ✨髒髒紫薯鮮奶沙冰紫色控嘅友人見到已心心眼💜又真係幾誘惑嘅💜甜美紫薯味道同鮮奶打造出完美幼滑兼濃稠口感！底下仲有實體紫薯可以咬！滿滿幸福感充滿口腔！！. ✨髒髒黑糖珍珠鮮奶又係超級ig-able😌滿到漏嘅設計令人流哂口水！雲石風漸層嘅色澤唔止靚！飲落仲令人好滿足！最最最加分係啲煙韌黑糖珍珠😘😘