不籽是咖啡 (文豪閣)

营业中

休息中

呢間【不籽是咖啡】真係幾Hit，走文青木系風格，難得有Café會開放晚市，所以放工之後即刻過黎試。夜晚7點，餐廳已經滿座，幸好等2枱即可入座，應該比Weekend容易攞位吧？《柚子漬蓮藕 $38》蓮藕同柚子都係我中意的食物，本以爲係用柚子醋，呢度係用柚子醬，好似有d唔夾，而且蓮藕切得有點厚身，如果薄片應該會更好食。《味噌蟹醬蟹籽蟹肉扁意粉 $128》用蟹醬、蟹籽和蟹肉製成，又係我中意的扁意粉，蟹味香濃，香氣突出，拌勻紫菜絲同蟹籽，Creamy得黎又有蟹籽爽脆的口感。《龍蝦湯配牛油果大蝦稻庭烏冬 $128》擺盤好精緻，龍蝦湯同稻庭烏冬分開上，有得玩又有得食，充滿視覺享受。配料有大蝦、牛油果、紫菜絲同沙律，牛油果軟熟，大蝦爽彈，烏冬略嫌過腍，無左彈牙口感。龍蝦湯亦係一般般，有點過稀，無論色水定質感都唔夠香濃稠密，只能說呢個打卡一流。《野莓梳打 $45》將野莓汁混合梳打，味道酸酸甜甜又清爽。