The French Window (已結業)

IFC嘅French Window 開咗好耐，一直都未有機會試。今日難得有朋友約食飯，見到佢有restaurant week $398 一位嘅3道菜晚餐，就訂位一試。絕佳的環境，高樓底，疏落嘅枱，落地大玻璃加無敵海景，非常舒適。麵包籃，後面嗰兩舊酥皮麵包特別好食，鬆快而且有牛油香。雅枝竹羽衣甘藍沙律，難得羽衣甘藍生食都唔覺得太硬，dressing酸甜合度，控制得好好。煎蠟魚(red snapper)，完美嘅火候，肉質緊緻，皮薄而脆。少有食到咁有水準嘅西餐魚。煎雞扒，食得出係靚雞，雞味同咬口係多啲嘅。甜品係蛋白餅同拖肥批，賣相一流，味道普通。