十三少 (已結業)

這個世界咩人都有，正當家下所有人好驚隔離之際，竟然有人係覺得享受，今日就同呢位咁得意嘅朋友去食酸菜魚～一個佢隔離21日之後食到嘅美食的回憶。酸菜魚，超大大大碗，我食過的酸菜魚之品種有桂花魚，鯇魚，而呢間店採用嘅係鱸魚，配料有酸菜，杏鮑菇，秀珍菇，仲有青笋片，泡姜，野山椒，鮮花椒，乾花椒……當然還有好多白芝蔴，豐富，口感佳，而且待應話，魚湯係即日新鮮煲起，食之前飲咗碗鮮魚湯，果然好鮮好够味，魚肉都好嫩滑，正吖。四川口水雞朋友亦鍾意，點咗; 而唯一的甜品選擇『紅糖糍粑』都係我杯茶。