滿記甜品 De Avenue (已結業)

今日同朋友係希慎行街，行行下見到商場中間有間甜品舖幾多人，而且個tea set 餐牌幾吸引，所以就入去坐低試下。 我哋兩個都對我窩夫餐比較有興趣，我哋分別叫咗宇治金時窩夫，同草莓脆脆窩夫，另外配咗杯熱咖啡同熱香橙蜜語。 店員首先送上草莓脆脆窩夫，可以見得到呢個窩夫只係有半分，得兩架，但個窩夫焗得有咬口，上面有好多新鮮士多啤梨同埋有一球大嘅士多啤梨果肉雪糕，有滿記一貫水準。 跟住店員送上宇治金時窩夫，同樣窩夫都係有兩架，但碟嘅周圍係紅豆而唔係士多啤梨，而係窩夫上面係又一句綠茶雪糕，窩夫同窩夫之間都有雪糕。 最後店員送上熱咖啡同香橙物語，香橙蜜語入面充滿果肉，而且有香橙皮係入面，熱嘅新鮮香橙果肉，味道幾清新同特別。