合一咖啡屋餐廳 (已結業)

Honey生日，都唔知食乜好！見呢間餐廳最近嘅評論都唔錯，而且又係天主教同基督教嘅人一齊開，都應該唔會太差，於是一試！去到我地要坐樓上，感覺比較空曠，所以大聲少少講嘅就變得比較嘈同應聲！如果一大班人我唔見議坐樓上，真係好嘈．．．　　點都好，整體感覺係唔錯嘅我地散叫嘅！首先嚟係煙三文魚沙律，三文魚又多又厚，整到成朵玫瑰咁，好靚！同啲菜一樣好新鮮！跟住係凱撒雞卷，睇落細細件，食落都唔係！入面好多菜，一樣係咁新鮮！再嚟蘑菇意大利飯，呢個差咗少少！食物本身比較油同好重芝士味！食多少少已經好飽！下次未必再選！（但唔好誤會係因為太差而唔再選擇）題外話，佢唔記得落單！第一次去竟然係咁？？不過唔緊要，俾時間我同honey慢慢傾吓計同消化之前嘅食物都好．．．　最後個甜品係心太軟，呢個係我落返樓下問人有乜甜品，水吧個哥哥推介嘅！其實佢有芝士餅，不過個哥哥話見我地得兩個人，心太軟就比較好，唔會太多食唔哂！咁好啦！我仲叫佢幫我做少少decoration添！靚得嚟又好食！朱古力味好濃呀！！兩杯咖啡都唔錯！不過我估熱咖啡應仲唔錯！因為睇相見佢整到啲樣好靚．．　呢個下次再叫！總結係：環境唔錯，服務員有禮貌同有笑容，