Homeland (彌敦道)

营业中

休息中

之前去過荃灣分店覺得幾掂，今次特登走去旺角分店試下，睇下水準係咪一樣咁好。都係有畫碟嘅服務，下次朋友生日都可以訂定頭盤嘅泰式柚子蟹肉沙律真係清新開胃！啲蟹肉肉質鮮甜，冇咩蟹腥味，柚子嘅清香配埋泰式醬汁嘅酸辣味，食落去層次豐富。特別欣賞佢啲生菜葉keep到好爽脆，完全冇軟化嘅問題。西班牙蒜油大蝦新鮮彈牙，個蒜油香氣撲鼻，最正係隻蝦肉質夠juicy，完全冇乾柴嘅問題。配埋佢嗰個自家製酸種麵包，個麵包外皮香脆，入面軟綿綿又有酸種麵包獨特嘅香氣講到牛面頰墨西哥芝士餡餅，個牛面頰慢煮到軟綿入味，仲要唔會散，配埋墨西哥芝士個香濃滋味，一啖咬落去，成個口腔都係濃郁嘅牛味同芝士香！個餅皮都做得唔錯，香脆可口又夠薄。法式香草烤春雞隻雞用慢煮方式處理，肉質超級嫩滑，連胸肉都冇乾柴嘅問題。個香草醬汁香濃惹味，配埋啲烤到金黃香脆嘅雞皮！配菜嘅薯菜都做得好出色，個薯仔軟糯香甜，啲菜新鮮爽脆。