鹵家 (已搬遷) 新店位置

晚上到鹵家食飯的人都挺多,十多個位子都坐滿了。我和朋友選了坐在外面,兩個人兩個套餐,我果個跟飯,朋友就跟米粉。唔飲野可以要例湯,是日例湯是老黃瓜煲豬骨,夠清甜而且少味精~~知道鹵家的蜜汁叉燒是皇牌,所以點可以唔試下~~適中的肥瘦豬肉,加上燒得光澤的外層,已經即刻加分,味道甘香,充滿玫瑰露的酒香,肉質嫩滑不肥膩,配飯真係一口又一口呀朋友就叫左滷水牛展,晶瑩剔透的片片牛展鋪得好漂亮,賣相精美,而且滷水味重唔會太重,五香味剛好,爽口入味,雖然凍食但都唔影響味道。店子細細但上菜唔會慢,價錢都算合理,有家的味道,絕對有下次~