影片
更多
2021-10-10
68 浏览
早兩日同男朋友行完megabox IKEA，諗住搵個地方食返個tea。見到一間班戟專門店上面啲紫薯pancake相勁吸引😍，作為紫薯控+甜品愛好者嚟講，真係完全抗拒唔到😭！入到去坐低先知原來就係我舊年超想食嘅pancake店，係日本名古屋No .1行列店🏆嘅人氣班戟店品牌。唔好以為淨係得pancake甜品呀，仲有一系列嘅主食、鹹點，食物選擇都幾豐富。既然係班戟專門店，咁就叫個一鹹一甜嘅菜式試吓佢咩料先👀！🥞沖繩紫薯梳乎厘班戟 配日本輕盈忌廉 $108/2pc滿滿嘅紫薯蓉🍠壓成絲，好似麵線咁包圍住兩塊soufflé pancake，充滿空氣感，真係又靚又特別，超啱打卡📸呀！Menu上面特別註明係採用沖繩縣本島金武町紫薯，加上自家製嘅mascarpone cheese同蜜糖🍯，香得嚟又唔會太過油膩，成個班戟好鬆軟，味道亦有好多層次。👅評分：8/10🍔夏威夷班戟漢堡 配牛油果、蝦、蜜糖芥末醬 $118第一次見有人用班戟做漢堡個包，好新奇嘅感覺～個漢堡入面有新鮮嘅牛油果🥑、爽口彈牙嘅大蝦🦐，再加上沙律菜、蕃茄同埋蜜糖芥末醬，好fresh之餘又好滿足！值得一提嘅係作為伴碟嘅薯條🍟，餐廳特登加咗少
入到去坐低先知原來就係我舊年超想食嘅pancake店，係日本名古屋No .1行列店🏆嘅人氣班戟店品牌。唔好以為淨係得pancake甜品呀，仲有一系列嘅主食、鹹點，食物選擇都幾豐富。既然係班戟專門店，咁就叫個一鹹一甜嘅菜式試吓佢咩料先👀！
🥞沖繩紫薯梳乎厘班戟 配日本輕盈忌廉 $108/2pc
滿滿嘅紫薯蓉🍠壓成絲，好似麵線咁包圍住兩塊soufflé pancake，充滿空氣感，真係又靚又特別，超啱打卡📸呀！Menu上面特別註明係採用沖繩縣本島金武町紫薯，加上自家製嘅mascarpone cheese同蜜糖🍯，香得嚟又唔會太過油膩，成個班戟好鬆軟，味道亦有好多層次。
👅評分：8/10
🍔夏威夷班戟漢堡 配牛油果、蝦、蜜糖芥末醬 $118
第一次見有人用班戟做漢堡個包，好新奇嘅感覺～個漢堡入面有新鮮嘅牛油果🥑、爽口彈牙嘅大蝦🦐，再加上沙律菜、蕃茄同埋蜜糖芥末醬，好fresh之餘又好滿足！值得一提嘅係作為伴碟嘅薯條🍟，餐廳特登加咗少少調味粉，即刻勁香口，將個薯條提升到另一個層次呀！
👅評分：8.5/10
🍓草莓沙冰 $48
草莓沙冰有好香嘅🍓士多啤梨味，但係又唔會好似出面啲士多啤梨嘢飲陣味咁假、咁大陣藥水味。加埋面頭嘅cream，雖然有少少邪惡😈，但係成個口感豐富咗好多！
👅評分：8.5/10
🍵熱焙茶牛奶 $39
以前成日係某巴克買hojicha latte，但係近呢兩年都好少飲。呢到嘅hojicha latte茶味好濃，飲到最後喉嚨會有陣茶香嘅餘韻，鍾意焙茶嘅朋友仔唔好錯過呀。
👅評分：8.5/10
张贴
