香港達人 (已結業)

今晚早放工，試吓其中一間在市廣場Jusco地下的新開餐廳。Menu 有A至I set dinner，都算有得選擇。Set dinner包湯、一片蒜茸包、沙律、主菜、餐茶。湯：羅宋湯，比較酸，好在唔油膩，似意大利菜湯多D。蒜茸包：得一片，蒜味不濃。只屬一般。鮮果蝦沙律：有兩隻蝦，蔬果粒都算過得去。主菜：法式燒春鷄配紅酒汁、香飯及雜菜：燒雞幾香，熱辣辣，幾好味。好多飯，女仔實食唔哂。煎美國肉眼扒配黑椒汁伴炸薯、雜菜。牛扒大大塊，但好多根，唔得！餐飲：Overall，拉上補下，叫做OK啦。下次記住唔食牛扒就得。結帳至知，無加一服務費。