影片
更多
2011-02-07
11 浏览
第一次係openrice見到有關LaVilla既食評係2010年9月既事, 雖然好想試但一直就唔到時間...最後係2011年1月31號終於去到, 結果係一試難忘~~~超級推薦俾身邊所有朋友仔!!! 1月31號 (星期六) - 訂左12點既枱, 朋友先到被安排係甜品枱隔離既位置~ 睇住廚師將一盆又一盆既沙律甜品擺放好, 樣樣都好靚好吸引, 未食就已經流晒口水! 當日每位都有既餐前小食係鰻魚卷同綠茶心太軟~ buffet枱就有各式各樣既沙律, 日式前菜, 火腿...等等~ 唔好話我個人主觀, 不過真係樣樣都好好味, 當中必食推介係鮮果沙律! 最驚喜既係當日湯都有兩款 - 粟米湯同番茄湯~ 我比較鐘意番茄湯, 可能酸酸地開胃d~ 哈! 另外佢既蒜蓉包都超級推介! 唔單只好香, 而且佢次次上都係熱辣辣, '外脆內軟'係最貼切既形容詞~ 正正正!由於我地唔係好肚餓, 所以都只係食buffet無叫主菜, 之不過連我非常大食既男性朋友都話夠飽, 所以$98 buffet only lunch set都真係好抵食架! 差唔多一點零我地就開始試各樣甜品, 朱古力cake係我當日首選, 忍唔住食完一件又
1月31號 (星期六) - 訂左12點既枱, 朋友先到被安排係甜品枱隔離既位置~ 睇住廚師將一盆又一盆既沙律甜品擺放好, 樣樣都好靚好吸引, 未食就已經流晒口水!
當日每位都有既餐前小食係鰻魚卷同綠茶心太軟~ buffet枱就有各式各樣既沙律, 日式前菜, 火腿...等等~ 唔好話我個人主觀, 不過真係樣樣都好好味, 當中必食推介係鮮果沙律! 最驚喜既係當日湯都有兩款 - 粟米湯同番茄湯~ 我比較鐘意番茄湯, 可能酸酸地開胃d~ 哈! 另外佢既蒜蓉包都超級推介! 唔單只好香, 而且佢次次上都係熱辣辣, '外脆內軟'係最貼切既形容詞~ 正正正!
由於我地唔係好肚餓, 所以都只係食buffet無叫主菜, 之不過連我非常大食既男性朋友都話夠飽, 所以$98 buffet only lunch set都真係好抵食架! 差唔多一點零我地就開始試各樣甜品, 朱古力cake係我當日首選, 忍唔住食完一件又一件! 仲有藍莓芝士蛋糕都好味!
值得一讚既係所有甜品都係細細件, 唔會一件就塞飽你~ 不過初初我地都唔敢食太多, 留番個肚試個綠茶心太軟~ 我地邊食邊等, 15分鐘之後好靚仔既綠茶心太軟上枱~ 一打開真係同平時食既朱古力心太軟一樣有流心, 真係見到都開心~ 然後再加埋LaVilla home made vanilla ice cream, 真係滿足到無野好講~~~
唯一要挑剔既可能係當日既侍應服務太殷勤, 因為係差唔多1點半左右就有3個侍應輪流問我地要飲d咩, 令我地懷疑係咪有少少趕收工...不過其實當我地order左飲品之後, 就完全無趕人走既意思~ 所以只可以怪呢度服務太好喇~~~
總結: 環境舒服, 價錢超值, 食物美味
無論你一班朋友傾計hea下, 一家人聚餐聯誼定情侶二人世界, 大家下次都可以考慮LaVilla~
张贴
