影片
更多
2021-01-17
70 浏览
朋友真係要見嫁，因為疫情關係，真係少咗出街，少咗同朋友聚會。真係唔可以再宅係屋企啦！所以約朋友去high個tea先，可以傾傾計，講下近況，又可以談天說地，食吓美食。雖然大家會講，而家科技咁發達，可以用電話，視像，但如果做朋友都要對住冷凍凍嘅科技，電子產品，我真係唔想囉。😭😭😭呢一間係樓上鋪，我已經下午三點先到，都仲要等位（佢係全層，唔少位）。先入坐，睇完餐牌後，就自己去點餐處點餐同比錢，講返枱號，稍後就會有服務員姐姐為你送上食物。順便提一提，佢嘅裝修同環境真係打卡一流👏👏👏茶聊 地址：旺角砵蘭街189號1樓原隻龍蝦包配薯條 $178叫嘅時候，我以為佢會係原條親蝦上，我真係滿心期待，點知嚟到，係變咗碎上，雖然有少少失望，但味道方面，龍蝦肉好彈牙，完全唔會梅同淋口，配上特制醬汁，完全可以帶出龍蝦嘅鮮味，個包又係值得一讚，外脆內軟，薯條即炸出黎，熱辣辣，講真又點會唔好食呀！🤣🤣🤣粉粉荷蘭汁煙三文魚賓尼迪 $108講真，呢個真係引死人，用嚟影相真係可以呃唔少like，嚟到時，個蛋係會旭嫁，蛋黃又震騰騰咁，賣相真係好吸引，當我用把刀係隻蛋嘅中間一切，蛋黃就慢慢流出嚟，真係好正，賓尼迪包上面搽咗牛
呢一間係樓上鋪，我已經下午三點先到，都仲要等位（佢係全層，唔少位）。先入坐，睇完餐牌後，就自己去點餐處點餐同比錢，講返枱號，稍後就會有服務員姐姐為你送上食物。順便提一提，佢嘅裝修同環境真係打卡一流👏👏👏
茶聊
地址：旺角砵蘭街189號1樓
原隻龍蝦包配薯條 $178
叫嘅時候，我以為佢會係原條親蝦上，我真係滿心期待，點知嚟到，係變咗碎上，雖然有少少失望，但味道方面，龍蝦肉好彈牙，完全唔會梅同淋口，配上特制醬汁，完全可以帶出龍蝦嘅鮮味，個包又係值得一讚，外脆內軟，薯條即炸出黎，熱辣辣，講真又點會唔好食呀！🤣🤣🤣
粉粉荷蘭汁煙三文魚賓尼迪 $108
講真，呢個真係引死人，用嚟影相真係可以呃唔少like，嚟到時，個蛋係會旭嫁，蛋黃又震騰騰咁，賣相真係好吸引，當我用把刀係隻蛋嘅中間一切，蛋黃就慢慢流出嚟，真係好正，賓尼迪包上面搽咗牛油果蓉，再配上煙三文魚，加埋流出嚟嘅蛋汁，配埋佢嘅粉粉荷蘭汁，口感超豐富，又creamy，正係超正。😋😋😋
藜麥大蝦牛油果沙律配百香果汁 $108
藜麥軟硬適中，沙律菜新鮮，大蝦爽口彈牙，可適冇乜味，配埋百香果汁真係超開胃，我可以講，佢既百香果汁係新鮮百香果嚟做，因為比較酸，如果唔係用新鮮百香果汁，會比較甜同有糖或蜜糖嘅味道。😄😄😄
火龍果四季春 + $15
火龍果肉好多，飲落微甜，反而可以帶出四季春嘅茶香味。😃😃😃
密瓜青提苿莉 + $15
蜜瓜加青提配合得好好，唔會互相搶味，好清新，苿莉超香，呢杯飲落都係微甜。值得一提既係佢真係好真材實料，佢原粒青提去整，會係飲時，會飲到少少青提嘅皮，變相有少少口感，我鐘意。🥰🥰🥰
张贴
