HighFive (已結業)

今晚約左朋友係九龍城呢度食晚飯聚下舊，所以要揀個環境企理又唔會太嘈雜既地方，結果就睇中左呢度。其實之前都有經過過呢度嫁，不過九龍城選擇多，上次就揀左第2度。入到黎侍應都幾nice，介紹下當日有邊兩款晚餐湯揀，不過我地最後都冇叫到晚餐啊，係散叫既。沙律叫左個紅菜頭橙沙律，我以為係紅菜頭粒粒撈左沙律醬果種，點知係一條條既紅菜頭絲，有幾件橙肉同埋一堆菜。好可惜係d菜完全冇調味！如果有返d沙律醋會好d。紅菜頭都係好淡，不過就爽口多汁。好彩仲有d橙肉係甜既。主菜叫左份牛扒，份量其實岩岩好夠一個人食啦，筋位都唔少，但係肉質幾軟腍，雖然我叫5成，結果差唔多都7成有多，但係都仲幾多汁，唔錯！同埋旁邊有幾多配菜，d配菜都有調味，唔會話好淡或者求求其其煮到乾晒。另外就係南瓜意大利飯，呢個份量真係嫌佢少左d！不過，意大行飯始終都係比較漏，都係少食多滋味既。d飯好正！真係粒粒爽口，口感好正宗，而個汁係超級杰，甚至去到一個黏口既程度！味道好creamy，不過南瓜味就唔太突出既。上面有3粒帶子，係煎到半熟狀態。我同友人都覺得呢度d野食味道唔錯，不過如果d食物熱d會更好！