Hello Kitty 中菜軒 (已結業)

同女朋友約會偶爾都要製造一下驚喜呢！今次就去了Hello Kitty中菜軒，貪其的特色同回憶，可以多一點話題吧😁😁去到餐廳，環境都幾闊落，周圍都係吉蒂貓的裝飾，杯碟，擺設，還有很多掛畫呢！😳😳餐廳最出名的流沙奶黃包，不能不試吧？原個可愛Hello Kitty樣，當然是手機食先啦😝！奶黃包甜味適中，奶黃幼滑，包身軟熟，而且熱辣辣新鮮出爐，所以令到流沙效果更為突出！馬拉糕、菜苗餃、臘腸卷，三款食物外型精緻，也是造出了吉蒂貓的外貌！馬拉糕食落鬆軟，味道清甜；菜苗餃料足皮薄，利用原隻鮮蝦做餡，菜苗味香，外型質素賣相都令人食指大動！臘腸卷，包身弄得同樣鬆軟，臘腸皮夠脆，咬落肉汁豐富但帶點油膩，個人就覺得味道略為一般⋯⋯除了點心，我們亦點了個小菜野菌牛柳粒！菇類吸收了牛柳味同醬汁的精華，入口多汁美味！牛柳亦大粒厚切，炒得香濃之餘，亦能夠將肉汁鎖住，正！整碟菜出乎意料地出色好食！👍🏻👍🏻餐廳環境佈置有特色，食物質素都不錯，精緻有心思，特別是女孩子們，喜歡Hello Kitty的粉絲們更加值得一去呢！😁😁