香港洲際酒店大堂酒廊 (已結業)

想tea好耐，做足功課一點半到，一點九可排隊入座，果然已有好多人排隊，好彩我哋有個向海景又唔曬嘅靚位。時應姐姐見我大肚，仲比多個咕𠱸我墊背，好細心！叫咗個high tea set，其實個個都係食依款，仲有個中式嘅，不過好少人叫。唔洗等好耐，就到齊。其實high tea真係要hea住食先歎，有現場小提琴表演，好鬼寫意。先食咸點，有一堆迷李burger，有龍蝦、牛肉、火鷄同魚。各有特色，好好味，細細件夠可愛。之後食甜點，當然主角係scone，仲暖暖嘅，有四大件，揸jam同Clotted cream，正到呢！Scone十分鬆軟，jam唔太甜，clotted cream又滑又香。贊贊贊！到依個時候，開始飽了。其餘甜點要慢慢品嘗。件朱古力有d太甜，我頂唔順，馬卡龍配olive oil味唔太吸引。剩餘嗰d不過不失。兩人加一$624，環境一流、服務亦唔錯，食物都真係唔差，鍾意忙𥚃偷閒hea一hea，洲際係唔錯嘅選擇！