9 3/4 cafe (已結業)

呢間Harry potter主題嘅cafe，無論係櫃、牆、餐具、Menu等等都有Harry potter嘅元素，就算我唔係忠誠fans都覺得眼前一亮，而且佢仲有提供魔法棒、圓框眼鏡去打卡影相，你會feel到好有心思。本身冇諗住寫食評，所以冇影到嘢食，唯有純文字討論。 食物質素中規中柜正正常常咁，但係份量偏少，男仔食應該唔夠飽。另外試左個ice oreo chocolate，麻麻地，仲要成5x蚊，真係有啲貴。不過咁，除左上高講嘅Harry potter主題，仲有連儂牆可以寫memo貼上去。有黃店，唔係唔支持吖嘛？結論係: 如果我有朋友係Harry potter fans嘅，我一定帶佢黎。如果唔係嘅話，當揾一個吹水嘅地方，呢度其實都係舒服嘅，有機會encore。但如果係純食嘢，emm..我會再發掘下其他黃店先。