Dazzling Cafe (The ONE) (已結業)

今晚約左男朋友出尖沙咀睇戲所以睇完就去左出名多人排隊的Drazzling Cafe不過，我地好好彩吾需要排好耐就入得店面環境十分開揚，加上羅馬式噴水池，佈置表現出有精心設計過急不及待點了幾個必食推介 明太子義大利麵，真係要用「三好」形容 ，好鮮味，好香，好creamy，意粉彈牙不易斷，明太子足料再加上味道甜甜地的香濃白汁，真係好食到停吾到口，唯一美中不足是份量方面少左D 招牌火腿總匯三明治，三明治份量都大大件好足料，入面有塊雞，蕃茄，火腿，生菜和雞蛋，不過食既時候都幾論盡，跌唒D餡出黎 蜂蜜蘋果茶，賣相漂亮，蘋果肉非常足料，咬落去肉質爽甜，茶味入口不會太澀，加上淡淡的蜂蜜清香，整體配搭得宜 香草抺茶歐蕾冰，雖然綠茶味不多，但奶味香濃，口感幼滑 就愛草莓蜜糖吐司，大大個粉紅色雪糕球配上馬卡龍，賣相精緻討好，外層脆卜卜，入面是烘過既蜜糖多士，配埋雪糕一齊食，絕對有冰火交融的滋味享受