樂園 (已搬遷) 新店位置

今次第一次食Happyland，所以就叫左佢地好出名既廚師發板，聽個名完全估唔到係咩黎，由於佢係一人份一人份咁計，所以我同朋友叫左兩人份，點知上菜勁大碟，嚇親我同我朋友，店員好nice咁同我地分享食用既次序，牛肉粒配蒜片同牛肉汁、帶子、蝦、鵝肝多士、梅子、三文魚、榮螺片、沙律，特別既係佢既梅子，作用係食完前面啲比較油膩嘅嘢用黎解滯， 本來唔鍾意食呢啲醃製嘅水果， 但的確食完前面的牛肉同埋海鮮， 會有少少油膩嘅感覺，所以抱住試下味嘅感覺食， 點知竟然好好食， 唔會太甜 又有解膩嘅作用，之後食既榮螺都好鮮甜爽口， 我地仲有叫一個帶子黑松露既意大利飯，松露味好香濃，而帶子煮得岩岩好唔會好老，仲有爽口既感覺，餐廳入面有2隻貓，好乖好得意，而店好有空間感，枱同枱之間有一定既距離唔會好迫，入面既裝修偏向家庭風， 好relax同溫馨感覺，入面仲有個叫怪獸雪糕既招牌甜品，本來想試下，但因為最後我同朋友都食到好飽就冇食到，希望下次有機會試下