辦館 (已結業)

無風無浪又到星期五，於是約埋同事去 Happy Hour，走到銅鑼灣未到過的一所新商廈，叫做535廣場，平台有間吧，叫做辦館，銅鑼灣少有戶外座位，我們坐在外面吹水大大聲都唔擔心影響人，正！如果坐室內就比較光猛，酒吧型格，老外門多數喜歡坐吧枱。酒的選擇全面，紅白酒香檳啤酒甜酒雞尾酒都有。呢處有幾款特色雞尾酒，不同之處是加進棗或夏菇草，我呢杯叫 Apple Juju, 威士忌、蘋果汁及棗，易入口，蘋果汁味最濃，少許酒及棗味。另一款叫 Prunella Collins，真係成條夏枯草在裡面，飲之時都真有夏枯草味，幾甜幾好味。叫咗兩款小食，最扺食係黑松露芝士薯條，有松露香，點芝士醬更好食。另一款又係松露，黑松露叉燒炒飯，有創意，幾特別，飲完酒食熱飯暖吓肚，正。估唔到銅鑼灣鬧市中有咁好的地方，而且價格唔貴，記得先訂位，戶外座位非常受歡迎。