我愛慢煮 (普慶坊) (已結業)

今次去咗西營盤附近嘅一間標榜慢煮嘅餐廳，可能佢哋真係好鍾意慢煮烹調，所以你個名都叫做我愛慢煮。平時好少行開呢度，要搵呢間餐廳都真係搵咗我一陣，不過見佢個門口就已經好有feel，石屎外牆上面掉咗下山虎同埋雲中龍，不知幾猛😂入到去有少少西式餐廳feel，但係又會見到中式嘅牌面同埋關二哥😂好有趣。食物方面，價錢確實係幾平，大部份嘅食物都係幾十蚊姐，就算一個有七八樣餸嘅餐都係百零蚊，最吸引到我嘅係佢有$98/1個半小時嘅任飲紅、白、啤酒，Happy Hour真係抵到爛。首先叫咗個一人餐，個餐包括安格斯牛肉、美式豬腩、紐倫堡香腸、溫泉蛋、雜菜、公司薯仔沙律、車厘茄同埋芝士窩夫。肉類因為經過二十四小時嘅萬事已經相當之但不失咬口，另外特別鍾意食佢公司薯仔沙律嘅醬汁，甜甜地同薯仔好配合。另外叫咗個芝士菠菜，真係好好食，菠菜好淋，芝士好香最重要係價錢仲好平。個芝士溫泉蛋大啡菇都好好食。最後仲要唔收+1，總括嚟講除咗特別適合Happy Hour之外，晚餐都一樣係一個好選擇。