黑麥 (已結業)

平时lunch time成日都路过, 今次终于可以舒舒服服坐低试下。舖头唔算大, 靠窗点位如果坐满的话应该会有点逼。我地今次坐埋边, 个位阔少少, 坐得舒服点。同朋友叫左2个lunch set 再加左个甜品。首先来的当然系餐汤同面包。餐汤系西兰花汤, 冇咩特别, 虽然有好多西兰花蓉, 但喝落都有点水水地的感觉。值得推介的系个bread basket, 有四款唔同面包, 每一款都令我想再食多次, 四款都有好香的香草味, 个多士劲脆, 有二款仲有果仁粒, 有咬口之余又好香。 之后就到主菜, 我地叫左猪仔鞍同risotto, 猪仔鞍好嫰, 好易切开, 唔会好韧同好老,伴碟点蔬菜都好好食。个risotto 系我最爱 , 虽然份量唔系好多, 但我地几个女仔share 食都足够, risotto 的汁酸酸甜甜, 仲有少少微辣, 好开胃。饭入面仲有细细粒的带子,不过芦笋系切碎左一齐煮, 略膁少左点。甜品就系松饼, 我地要左提子松饼, 净食松饼就干左点, 但加埋点cream 同jam 食啱啱好, 唔会太漏又唔会太干。最后仲试左佢的红枣蜜, 甜度适中,都唔错。总结成个lunch 都几满意, 环境舒