星記海鮮飯店 (The Phoenix) (已結業)

又到星期五，我哋一班同事嘅Happy Friday。 今日去咗試公司附近嘅星記海鮮飯店叫餸食飯，一行五人叫咗4餸，每一個餸都非常好味，下次一定要再嚟食其他餸！我哋叫咗必食嘅生抄骨，又係我嘅至愛，真係未食過咁脆嘅生抄骨，味道適中，不太酸，不太甜，每粒生炒骨都非常脆亦能平均占上張甜酸汁，富在美妙😍😍😍。 煎蓮藕餅，亦一定要食，不油，蓮藕大粒好爽，豬肉不肥膩，非常香口，食兩件亦唔會多😜😜😜。 牛腩， 炆得入味，牛筋軟軟，"冧冧"實在唔可以停，香香嘅味道留係口中，令人回味再回味😁😁。 仲有粗齋煲，南乳夠味，不夠咸，材料豐富，有粟米仔，雲耳，雞脾菇，冬菇，白菜仔，短瓜，非常好味。好窩心既有飯後甜品送，清心馬蹄露，粒粒馬蹄爽口，仲有蛋花添，不太甜，但夠潤，實在滿足😁😁😁每星期五，我哋都有Happy Lunch, 睇吓下星期有咩好嘢再同大家分享啦！