鋪頭外邊有花圃，室內環境裝修舒適，歐洲餐廳式，但唔會太陰暗，我地無訂台walk in，安排左入坐2人座位，但其中一個位係隔離枱岀入主要通道，隔離上餐或離座都要特登就位。
2個人叫左1份俄羅斯呑拿魚沙律，1份4隻火腿芝士忌廉球，4隻法國蠔，1份黑毛豬柳串配薯絲，1份西班牙海鮮飯同甜品churros配朱古力mousse
呑拿魚沙律
2個人食份量ok，但如果配埋多士或者d脆脆餅乾就好啦，太肚餓，食左2條餅乾仔先記得影相🙈
火腿芝士忌廉球
好食，香口，外脆內軟，䐄料比例平均，食落去感覺唔算太膩，但一個人一粒就夠，因為要留肚食其他，或者可以試埋另一款忌廉球
生蠔
鮮甜，好好食😍咩都唔落已經好好味，海水味輕，creamy肥美，佢地調配既醬都好好食，見到蕃茄茸帶微辣，但唔會搶左新蠔鮮味
黑毛豬柳串配薯絲
未食聞落已好香，表面好香脆，以為食落會好乾，點知入口好juicy，燒到約7成熟，建議一嗒一粒，保持肉汁，食落仲好嫩滑。
海鮮飯
啲飯吸收晒啲海鮮味，有種感覺好似飲緊龍蝦湯咁！但飯係偏硬，食落有口感，青口新鮮，唔係雪藏硬堀堀，隻蝦就爭d，皮同殻已經分得好開，一食之下，肉有點「霉」
本身已經好飽但都想食甜品，就追加個churros，一上枱就話乜甘多條既。
點知食左一條之後就停5到清晒，熱辣辣軟棉棉又5會過甜，再點落mosse雪糕度食，perfect match！
大滿足！😋😋
值得一讚既小心思
，上菜既碟全部都係暖的，除左冷盤，同埋每食完一個菜都會換一隻有紋路嘅碟，都幾靚架！
