影片
更多
2018-05-01
65 浏览
今日同朋友係尖沙咀收工諗住搵下有咩好西食，上網見到呢間好似幾靚就決定去食喇，Happyland係isquare對面上2樓就係，都好近地鐵站上到餐廳，係門口見到牆有唔同嘅畫仲畫咗隻好得意嘅貓仔，另外見到餐廳仲係新假期推介嘅，拎咗必食食店大獎！餐廳地方闊落，今日我同朋友安排坐係比較安靜嘅角落位，服務員好有善同我地介紹餐廳出面食怪獸雪糕同埋廚師發板，推介我哋一試， 最後我哋叫咗廚師發板同埋其他小食！廚師發板（每位$188）製作需時大概15分鐘，但好快就上枱，第一眼望到就覺得好似藝術品咁，好靚好精采，服務員上菜之後就同我地介紹食物，廚師發板要先食熱盤，之後可以食一隻紫色嘅啫喱用來清一清個口，再食冷盤，仲有沙律同埋其他醬汁可以自由配搭，所有嘢都可以食除咗裝飾用的花唔可以食。我發現服務員每次上廚師發板都會日日介紹比客人，十分周到。熱盤：虎蝦開咗邊，煎得好香。牛柳粒味道足夠，可以配埋炸蒜頭一齊食。扇貝好香好好味，應該係落咗牛油同埋香草煮，好好食！有隻紫色嘅啫喱，味道好清新有啲似蒟蒻， 食完之後我哋再食冷盤。冷盤：有煙三文魚、螺肉、沙律、蟹柳棒、黑松露鵝肝多士等等。蟹柳同埋螺肉會有一隻辣汁點係側邊，點
上到餐廳，係門口見到牆有唔同嘅畫仲畫咗隻好得意嘅貓仔，另外見到餐廳仲係新假期推介嘅，拎咗必食食店大獎！
餐廳地方闊落，今日我同朋友安排坐係比較安靜嘅角落位，服務員好有善同我地介紹餐廳出面食怪獸雪糕同埋廚師發板，推介我哋一試， 最後我哋叫咗廚師發板同埋其他小食！
廚師發板（每位$188）
製作需時大概15分鐘，但好快就上枱，第一眼望到就覺得好似藝術品咁，好靚好精采，服務員上菜之後就同我地介紹食物，廚師發板要先食熱盤，之後可以食一隻紫色嘅啫喱用來清一清個口，再食冷盤，仲有沙律同埋其他醬汁可以自由配搭，所有嘢都可以食除咗裝飾用的花唔可以食。我發現服務員每次上廚師發板都會日日介紹比客人，十分周到。
熱盤：虎蝦開咗邊，煎得好香。牛柳粒味道足夠，可以配埋炸蒜頭一齊食。扇貝好香好好味，應該係落咗牛油同埋香草煮，好好食！
有隻紫色嘅啫喱，味道好清新有啲似蒟蒻， 食完之後我哋再食冷盤。
冷盤：有煙三文魚、螺肉、沙律、蟹柳棒、黑松露鵝肝多士等等。蟹柳同埋螺肉會有一隻辣汁點係側邊，點咗個汁一齊食味道好特別。特別要讚揚黑松露鵝肝多士，多士好香脆，當入口時食到黑松露嘅味道同我剛好相配～
德國腸拼盤
呢個拼盤有唔同嘅德國腸拼埋一齊，有一隻係辣辣地，都係不外乎嗰啲德國腸～但係可以一次過試都咁多味道，感覺都幾過癮同埋都抵食！
飲品：我地叫咗金沙沙冰同埋oreo沙冰，兩杯沙冰都真係有金莎同埋Oreo~~~其實餐廳仲有好多唔同特色飲品， 下次再試其他～
甜品最後都叫咗兩個雪糕， 女人一定要食甜品先會滿足～服務員同我地講佢哋咩味嘅雪糕都有，最後我哋揀咗朱古力同埋芋頭，原本以為只係會普通俾兩個雪糕我哋，估唔到上到泥個裝飾都幾靚。
順帶一提，等餐嘅時候發現餐廳提供好多小遊戲，好似其他樓上咖啡店一樣可以比客人拎來玩。
食食下仲見到係門口畫果隻貓咪！佢坐係我隔離同我一齊食咗呢餐晚飯～老闆仲話貓仔好好可以摸佢～
結論係一間唔錯嘅餐廳，下次如果有咩慶祝節日都好想再嚟食，同埋見到隔離枱食怪獸雪糕好大好吸引、下次都要試埋～
张贴
