Lockeroom Express (已結業)

今日嚟到佐敦食嘢 ，見到地牢有一間餐廳好特別，餐廳掛滿阿仙奴嘅波衫，阿仙奴球會會旗幟,又有特別嘅燈飾加上柔和嘅音樂,所以入咗嚟呢間餐廳食下,落餐嘅餐牌都別具心思,唔同號碼有唔同嘅波衫款式,如果你係阿仙奴球迷就一定要來一嚐首先有周打蜆湯任飲，食物未到之前，係凍嘅天氣飲熱湯，真係暖到入心 ❤️嚟到一定要試下佢嘅波士頓龍蝦意粉， 龍蝦新鮮彈牙 ，龍蝦頭充滿住蝦子同埋芝士，白汁意粉濃郁，仲有得揀蕃茄汁同埋白汁相當貼心 😋水牛城雞翼外脆內軟， 熱辣辣嘅雞翼脆皮，外面有香辣嘅辣椒醬，十分惹味 🌶冰島蝦菠蘿漢堡，內裏有honey mustard 醬汁， 將冰島克漢堡味道提升至極點，新鮮蝦肉彈牙，菠蘿香前分外開胃，漢堡包熱辣辣仲有牛油香 🦐紐西蘭草飼牛肉眼配黑椒汁惹味十足， 牛肉味甚濃🐮