早安越南 (已結業)

天后其實有好多好野食，今日悶悶地搭左出去行下街，順路搵埋野食醫下肚～經過早安越南，比佢地門口既霓虹燈吸引左，一入去見到佢地既壁畫，真係好有越南🇻🇳Feel😊越式炸扎肉湯河：扎肉炸得好金黃，望落有d似魚餅，扎肉亦夠彈牙，配湯河清清地幾好！生牛湯河：生牛湯河最重要試試個湯底先，湯底甜甜地，都幾有牛香，生牛片大約5-6塊，質感嫩滑！Vietnam軟殼蟹沙律：會有少少辣，軟殻蟹炸得外脆內軟，內質唔會太散，木瓜絲份量多，加埋炸蒜上面，超級香！龍眼冰、三色冰：龍眼冰清甜，三色冰椰香撲鼻，亦顏色豐富，提一提，店家夠環保用紙飲筒，值得一讚～