影片
更多
2006-01-24
113 浏览
搵唔到西環寶翠園西寶城仙跡岩的獨立page, 唯有寫呢度啦.自上年下學期以來已經成日幫襯食dinner (次次因為太夜, 其他唔少鋪頭已經閂了門!!!), 而家轉去食tea, 發覺佢叫"Saint Alp's Teahouse" 真係無改錯名-- 食tea 比食正餐實在好好多.最鍾意係佢d 凍荔枝玉茶, 凍蜜柚點紅, Double Chocolate 雪葩同熱朱古力雪香; 另外跟餐的飲品個人就最鍾意飲茉香珍珠(凍/熱都ok). 不過唔知點解佢d 珍珠賣相愈來愈核突, 成日痴埋一pat, 又"林bad bad" 咁, 噁心d 講句, 有d 似"循環再用" 咁feel! >_< 搞到我而家已經完全唔想飲珍珠系列飲品-_-|||食過京麵(配雞翼或牛展), 係透明的河粉狀東西; 米線(米粉); 拉麵(配豬頸肉), 其實係公仔麵. 唔算好食, 又唔係難食, 只係湯底全線味精湯."筒仔米糕" 個名呃0左我, 仲以為係小食, 點知個size 超大, 直程係一隻酒樓糯米雞的1.5 倍-_-||| 食落幾好食, 有d 蝦米冬菇好香咁, 不過滯到不得了.串燒就食過魷魚同炭燒雞串.
自上年下學期以來已經成日幫襯食dinner (次次因為太夜, 其他唔少鋪頭已經閂了門!!!), 而家轉去食tea, 發覺佢叫"Saint Alp's Teahouse" 真係無改錯名-- 食tea 比食正餐實在好好多.
最鍾意係佢d 凍荔枝玉茶, 凍蜜柚點紅, Double Chocolate 雪葩同熱朱古力雪香; 另外跟餐的飲品個人就最鍾意飲茉香珍珠(凍/熱都ok). 不過唔知點解佢d 珍珠賣相愈來愈核突, 成日痴埋一pat, 又"林bad bad" 咁, 噁心d 講句, 有d 似"循環再用" 咁feel! >_< 搞到我而家已經完全唔想飲珍珠系列飲品-_-|||
食過京麵(配雞翼或牛展), 係透明的河粉狀東西; 米線(米粉); 拉麵(配豬頸肉), 其實係公仔麵. 唔算好食, 又唔係難食, 只係湯底全線味精湯.
"筒仔米糕" 個名呃0左我, 仲以為係小食, 點知個size 超大, 直程係一隻酒樓糯米雞的1.5 倍-_-||| 食落幾好食, 有d 蝦米冬菇好香咁, 不過滯到不得了.
串燒就食過魷魚同炭燒雞串. 朋友好鍾意叫炭燒雞串, 我就覺得一般; d 雞肉其實ok 滑, 但個人覺得d 汁實在太甜了, 又唔係次次都夠熱. 魷魚0個隻就非常油膩非常滯, 間唔中食一兩次就夠了.
厚多士就最常叫奶油同蒜蓉, 奇怪點解質素咁參差, 烘出來一係極靚極好食(麵包外脆內軟), 一係極"塔", 食落唔似有烘過. -_-||| Generally 覺得奶油0個隻整得好食d.
另外亦叫過鹵水蛋, 牛展同雞翼. 雞翼唔係鹵水, 是煎的, 都幾香, 食落又唔算油膩. 鹵水牛展... 話佢係樓上惠康買落來的現成貨我都信, 真係no comment. 鹵水蛋就真係... 味道同多士一樣質素參差(有時幾入味, 有時只係似烚蛋+ 一大pat 好稀的豉油!); 但賣相就長期核突, 蛋白同黃散晒的! >_<
Service 真係... 又係得啖笑. 無錯, 職業無分貴賤, 但不得不講句: 如果伙計們真係咁醒目, 使乜駐守0係個咁"摺埋" 的location 的分店? -_-|||
张贴
