A Tavola Bar & Grill (已結業)

公司重大project終於完成，梗係要食餐勁relax下啦，一直好想嚟依間餐廳試下，終於可以啦，咁啱經openrice訂枱星期一至四有85折添。餐廳唔算大 ，但佈置環境都覺得舒服， 入座後 ，即刻有位四眼哥哥仔好有禮貌地詳細解釋清楚menu邊款食物係有八五折，又同我哋講weekday全日都係happy hour。正！NZ Mussels青口好大隻， 鮮甜又肥美， 好彈牙 ， 醬汁 係用白酒加蒜蓉、香草、少少辣椒煮成，甜甜 辣辣，用麵包浸少少醬汁嚟食更加好味。Crunchy Chicken Parmesan Salad估唔到分量好大碟， 多多菜，多多雞肉， 雞肉外面好crispy ，裏面好juicy，嫩滑，好好食呀，加埋我嘅至愛parmesan cheese，超正呀！Baby Back Ribs (half)只叫半份，但感覺好大份。豬仔骨啖啖肉， 燒烤得啱啱好 ，唔會乾身，BBQ醬汁酸酸甜甜好惹味。整體成晚好滿意，服務又值得一讚，每個餐廳服務員都好有禮貌 ，不停幫我哋換碟同斟水 又問我哋食物啱唔啱口味，有水準， 一定會再回頭。