彩福欣宴 (已結業)

今日中午同同事去咗彩福飲茶，farewell 同事。佐敦間彩福成日都好旺場，不過等咗一陣位就入得了。叫咗個瑤柱蛋白炒飯配叉燒例牌，算係幾岩大眾食。瑤柱蛋白炒飯粒粒分明，炒到幾金黃。蛋白唔會話炒到老晒，都都幾鮮。最重要係個飯唔會炒得濕，如果炒得濕，就會一舊舊同埋好稔，反而呢碟炒得好高水準。叉燒例牌有7/8舊左右，半肥瘦，燒得幾甜，好似話彩福啲燒尾不嬲幾好食。鮮蝦腐皮券一如正常，香脆可口，鮮蝦都多，每一卷都有2-3舊蝦，算係咁。朋友話紅棗糕係好好食既，我地叫完一籠試用下，又真係好好味，唔係落咗好多糖，因為紅棗本身都好香甜。結果我地叫咗一籠唔夠分，仲叫多咗一籠。