GOGO Rock (已結業)

🫶🏻炭燒肉眼排拼三文魚肉眼扒充滿油脂，肉質好嫩，煎到好香，油脂滲晒出黎，好濃牛味，加埋煎香既三文魚，都係油脂十足，魚肉就好滑，點啲燒汁，配埋軟綿綿既薯蓉食，豐富呀！🫰🏻軟殼蟹海膽意大利粉意粉面鋪咗好大隻嘅軟殼喺度，軟殼蟹用炸粉炸得好脆，但係炸粉又唔會太厚，薄薄一層包住軟殼蟹，入邊嘅肉好嫩，仲有啲膏，意粉就有好濃嘅海膽醬，好粘口，食到啖嗎都有海膽味，又唔會太硬，口感好好！🤟🏻Teenage呢杯係菠蘿汁加無酒精既雞尾酒糖漿加乳酪糖漿，好新鮮嘅菠蘿汁已經好清甜，再加埋唔會過甜嘅糖漿，乳酪有啲酸酸地，仲有啲沙冰咁嘅感覺，成杯口感都好好，超好飲！