影片
更多
2009-08-21
6 浏览
旺角人氣烏冬，知道好旺場，所以一放工即刻去食18:45 去到睇食咩 (呢個速度真係極限~)烏冬款好多，有幾個湯底，不過配黎配去都係嗰 d 餸飯既種類比較少，不過都明白既，主打烏冬嘛反而所謂小食比較失色，好多都係肉，唔算得上係小食，似係"餸"多 d兩個人叫左兩個烏冬加一個小食(本來想叫兩個小食架，但睇唔啱)芝麻豬扒烏冬(豬骨湯)- 個窩唔夠熱，湯只限外圍滾同時間短- 豬扒唔 juicy, 個芝麻皮香但硬厚實- 豬扒好似無醃過的, 唔入味但無雪味，係淡 d- 豬扒太細塊，又薄，一係加貴少少個價比件大 d 豬扒，一係加 d 伴菜。咁睇起黎會吸引 d- 烏冬彈牙，正- 湯夠濃又唔油，正牛肉烏冬(芝麻湯)- 牛肉窩可能因為有生肉，熱好多，滾得耐- 牛肉唔係一般肥牛，但食落都係少左牛味，少少 un，都可接受既- 烏冬照舊彈牙- 但個湯就敗筆......首先黑媽媽一堆已經唔係好 ok, 仲要愈滾愈杰, 本來真材實料應該讚, 但當毎一口都只得淡淡芝麻味又食到牙縫都係黑芝麻有點令人卻步。相信如果湯係白芝麻(要夠香)會吸引 d，類似走甜芝麻糊的湯烏冬我諗我唔會再叫第二次......- 反而個蛋要讚，雖然只
18:45 去到睇食咩 (呢個速度真係極限~)
烏冬款好多，有幾個湯底，不過配黎配去都係嗰 d 餸
飯既種類比較少，不過都明白既，主打烏冬嘛
反而所謂小食比較失色，好多都係肉，唔算得上係小食，似係"餸"多 d
兩個人叫左兩個烏冬加一個小食(本來想叫兩個小食架，但睇唔啱)
芝麻豬扒烏冬(豬骨湯)
- 個窩唔夠熱，湯只限外圍滾同時間短
- 豬扒唔 juicy, 個芝麻皮香但硬厚實
- 豬扒好似無醃過的, 唔入味但無雪味，係淡 d
- 豬扒太細塊，又薄，一係加貴少少個價比件大 d 豬扒，一係加 d 伴菜。咁睇起黎會吸引 d
- 烏冬彈牙，正
- 湯夠濃又唔油，正
牛肉烏冬(芝麻湯)
- 牛肉窩可能因為有生肉，熱好多，滾得耐
- 牛肉唔係一般肥牛，但食落都係少左牛味，少少 un，都可接受既
- 烏冬照舊彈牙
- 但個湯就敗筆......首先黑媽媽一堆已經唔係好 ok, 仲要愈滾愈杰, 本來真材實料應該讚, 但當毎一口都只得淡淡芝麻味又食到牙縫都係黑芝麻有點令人卻步。相信如果湯係白芝麻(要夠香)會吸引 d，類似走甜芝麻糊的湯烏冬我諗我唔會再叫第二次......
- 反而個蛋要讚，雖然只係放係窩度，但食落原來係溏心蛋(唔會係咁啱未煮熟掛......)。好多其他店就算食拉麵都係求其比隻煮到實一實既烚蛋你, 但呢度唔會﹗夠認真﹗讚﹗
日式炸豆腐
- 即食就 ok, 豆腐好滑，皮夠薄但唔夠脆，始終浸係汁度，個皮好快冧
- 但以廿幾蚊黎講抵食﹗ok ﹗
可能係新店，錯單情況都有發生，但 waitess 細心，見我地話咁耐未到(其實我地冇同佢講，只係自己傾計話好似咁耐)都主動走埋黎話入左單要等多陣。見我地兩個人只叫一杯野飲又主動話比杯水我地﹗Good﹗
希望慢慢改進，令到食物都可以達水準，唔係的話，淨係靠個窩的 gimmick 好易坐食山崩。加油﹗
呀, 仲有，最後找錯錢，找多左兩蚊﹗不過我地好有良心，無攞多到，但如果下次找多廿蚊我就好難擔保我唔攞啦﹗哈﹗
张贴