套餐set 任選兩款包🍔及小食🍟一款跟兩杯飲品🥂 $240
牛油果紫菜軟殼蟹包
牛油果🥑配軟殼蟹🦀呢個組合絕對係冇得輸。餐牌寫個醬汁係紫菜mayo，但就唔係好食得出紫菜味，不過醬汁都幾夾。麵包皮搽左牛油🧈烘過，食落都幾鬆軟。
咕嚕雞
雞肉🐔非常厚身，上邊有菠蘿同類似咕嚕肉嘅醬汁，酸酸甜甜幾特別，有少少中式影子。不過就略嫌醬汁💦唔夠多，如果多返少少就更好。
鹽酥菇
炸漿薄薄地，炸到夠晒香脆🍄，令我諗起有啲台灣嘅味道，加埋沙律醬食十分正。
香蒜辣炒大蝦意粉 $138 包一杯飲品
蒜味就幾澎湃，除咗有濕蒜🧄仲有乾蒜。但辣味🌶就只有少少，唔夠香辣。魷魚圈🦑同蝦肉🦀都正正常常，唔算特別出色。
蜜糖牛奶
我揀左哩杯蜜糖牛奶🍯🥛幾特別，真係有蜜糖味喺入邊，熱飲暖暖地，好適合而家咁凍天氣❄️飲。
抹茶牛奶
西柚檸檬🍋梳打
我覺得餐廳都坐得幾舒服，原本想試埋佢嘅甜品🍮，但由於太飽已經食唔落，唯有留返下次啦☺️。
1
