Chill Inn (已結業)

Happy Friday食飯睇戲係最好節目，E-Max大部份餐廳都係快餐為主，見到依間泰國餐廳有晚市供應又主打fusion泰國菜一於去試一試。餐廳環境舒服、座位闊落、感覺輕鬆。值得一提餐廳旁有一個狗狗營地，食客可到餐廳買外賣後與寵物一齊進食。生蝦新鮮肉質爽脆鮮甜，酸辣醬辣度適中。冬蔭公湯材料豐富，有蝦、青口、蜆、鮮魷、蘑菇及蕃茄，帶微辣之外酸酸甜甜非常開胃。拼盤份量及種類非常豐富，有泰式鳯爪、魚餅、串燒、豬頸肉及燒蟹蓋。豬頸肉肉質爽脆，魚餅味道香辣帶點檸檬香。燒豬手外脆內軟，外皮酥脆香口，內裡肉質不會過鹹。配上伴碟的酸椰菜絲及燒菠蘿味道清新。