韓川

营业中

休息中

環境雅座別緻，有兩層高，食物用心製作，Fusion韓國菜，要注意OpenRice地點錯誤，近銀行中心出口，並非B2出口，如果唔係就行得比較遠。服務員話原來呢排大熱芝士餐單，所以都揀咗芝士烏冬同芝士肉鬆饅頭。芝士大頭蝦湯烏冬$168用三種唔同芝士嘅口味，分別適合凍食同熱食，凍食嘅芝士味就會更加濃郁，熱食嘅話就會有種拉絲嘅感覺，用心製作。芝士肉鬆饅頭$26炸脆饅頭上面鋪左芝士同肉鬆，入口甜甜地脆脆地，好味呀！推介！串燒款式好多，而且抵食，配下燒酒係唔錯選擇，特別推介雞腎，獅子狗同花枝丸。火雞腎$16雞頸肉$28豬頸肉$19芝士獅子狗$18娃娃菜$13雞髀菇$13燒賣$18花枝丸$18蒜蓉燒茄子$58茄子大大份，係原條上架，上面加左蒜蓉，好香口美味。整體而言唔錯，之前一聽到fusion都會感覺嫲嫲，因為唔一定整得好食，但係今次喜出望外，啲食物真係樣樣都唔錯，而且夠特色，用心製作，另外服務員態度超好，友善，服務一流。